உடலில் ஹார்மோன் என்பது சீரான அளவில் சுரக்க வேண்டும். குறிப்பாக பெண்கள் பருவமடைந்த உடன் இந்த ஹார்மோன் சுரப்பு அதிகமாக இருக்கும். இந்த ஹார்மோன் சுரப்பு காலங்களில் ஹார்மோன்களின் ஏற்றத்தாழ்வு இருக்கும் போது பிரச்சனைகள் எழுகின்றன, அப்படி உண்டாகும் ஏற்றத்தாழ்வுகள் பிசிஓஎஸ் அதாவது பாலிசிஸ்டிக் ஓவரி சிண்ட்ரோம் ஆகும்.
பிசிஓஎஸ் என்பதை எளிதாக புரிந்துகொள்ள வேண்டுமெனில் இது எண்டோகிரைன் சிஸ்டம் அதாவது நாளமில்லா அமைப்பு கோளாறு என்று சொல்லலாம். இந்த நாளமில்லா அமைப்பு என்பது சுரப்பிகள் சுரக்கும் இடம். இது இனப்பெருக்கம், வளர்சிதை மாற்றம், பாலியல் செயல்பாடுகள், தூக்கம் மற்றும் மனநிலையை சமப்படுத்தும் ஹார்மோன்களை உருவாக்குகிறது.
ஒரு பெண்ணுக்கு பிசிஓஎஸ் பிரச்சனை இருந்தால் அவரது கருப்பை, மாதவிடாய் சுழற்சியை ஒழுங்குப்படுத்தும் ஈஸ்ட்ரோஜன் மற்றும் ப்ரோஜெஸ்ட்ரோன் உற்பத்தி செய்யும் இனப்பெருக்க உறுப்புகளை பாதிக்கிறது. மேலும் கருப்பை ஆண்ட்ரோஜன் என்னும் ஆண் ஹார்மோனை சிறிய அளவில் உற்பத்தி செய்கிறது.
பிசிஓஎஸ் என்பது 15 வயது முதல் 44 வயது வரை உள்ள பெண்களை பாதிக்கும் ஹார்மோன் பிரச்சனை. குழந்தைப்பேறு எதிர்நோக்கும் பெண்களில் 10 பேரில் ஒருவர் பிசிஓஎஸ் எதிர்கொள்வதாக ஆய்வுகள் தெரிவிக்கிறது. அதிலும் பல பெண்கள் தங்களுக்கு பிசிஓஎஸ் இருப்பதையே உணர்வதில்லை. இது குறித்த ஆய்வு ஒன்றில் பிசிஓஎஸ் உள்ள பெண்களில் 70% பேர் தங்கள் இந்த பிரச்சனையால் பாதிக்கப்பட்டதையே கண்டறியவில்லை என்கிறது.
பாலிசிஸ்டிக் ஓவரி சிண்ட்ரோம் (PCOS in Tamil) நான்கு வகைகள்
இன்சுலின் எதிர்ப்பு பிசிஓஎஸ்
ஊட்டச்சத்து நிபுணரின் கூற்றூபடி 70 சதவீத வழக்குகளில் இது ஏற்படுகிறது. இன்சுலின் விளைவுக்கு செல்கள் உணர்ச்சியற்றவையாக மாறும் போது இன்சுலினோமா எனப்படும் ஒரு வகை நிலை இந்த பிசிஓஎஸ் -ஐ (PCOS in Tamil) உண்டாக்குகிறது. இன்சுலின் எதிர்ப்பு பிசிஓஎஸ் வளர்சிதை மாற்ற நோய்க்குறி அல்லது முன் நீரிழிவு நோய் என்றும் அழைக்கப்படுகிறது. வயிற்று எடை அதிகரிப்பு, சர்க்கரை மற்றும் சோர்வு போன்றவை இதன் அறிகுறிகளில் ஒன்று.
வழக்கமான உடற்பயிற்சி இயக்கம் இதற்கு சிகிச்சையளிக்க உதவியாக இருக்கும். அதிக சர்க்கரை உணவை தவிர்த்து சீரான உணவை தேர்ந்தெடுக்க வேண்டும். இந்த இன்சுலின் அளவை நிர்வகிக்க மன அழுத்தத்தை குறைத்து நன்றாக தூங்க வேண்டும். மெக்னீசியம், குரோமியம் என்ஏசி மற்றும் இனோசிட்டால் இதற்கு உதவலாம்.
இதையும் தெரிந்து கொள்ள: கர்ப்ப காலத்தில் ஹெர்னியா என்னும் குடலிறக்கம் அறிகுறிகள்!
அட்ரீனல் பிசிஓஎஸ்
ஒரு பெண் அதிக மன அழுத்தத்தில் நீண்ட காலம் இருக்கும் போது கார்டிசோல் மற்றும் DHEA (இது dehydroepiandrosterone சல்பேட் ஆண்ட்ரொஜெனிக் மூலக்கூறு ஆகும்) அதிகரிக்கிறது. பிசிஓஎஸ் பிரச்சனை கொண்டிருக்கும் பெண்களுக்கு DHEA இரத்த அளவுகள் சற்று அதிகமாக இருக்கும். மன அழுத்தம் காரணமாக உண்டாகும் இது அட்ரீனல் பிசிஓஎஸ் வகை ஆகும்.
யோகா, தியானம், நல்ல தூக்கம் மூலம் மன அழுத்தத்தை குறைக்கவும் செய்யலாம். அதிக தீவிரமான பயிற்சிகள் தவிர்க்க வேண்டும். மெக்னீசியம் வைட்டமின் பி 5 மற்றும் வைட்டமின் சி போன்றவை அட்ரீனல் சுரப்பிகள் மற்றும் நரம்பு மண்டலத்தை ஆதரிக்க உதவும்.
அழற்சி பிசிஓஎஸ்
இந்த வகை பிசிஓஎஸ் நாள்பட்ட அழற்சியால் ஏற்படுகிறது. மோசமான உணவு பழக்கங்கள், ஆரோக்கியமற்ற வாழ்க்கை முறை டெஸ்டோஸ்ட்ரான் அளவை அதிகரிக்க வழிவகுக்கிறது. இது பிசிஓஎஸ் உண்டாக்குகிறது. உயர்ந்த சி எதிர்வினை புரதம் ( 5க்கும் மேற்பட்டவை) தலைவலி, விவரிக்க முடியாத சோர்வு, அரிக்கும் தோலழற்சி போன்ற தோல் பிரச்சனைகள் இதன் அறிகுறியாகும்.
இந்த நிலை கொண்டிருப்பவர்களுக்கு குடல் பாக்டீரியாவை சமநிலைப்படுத்துதல், செரிமான நொதிகளை மேம்படுத்துதல் மற்றும் குடல் கசிவு திசுக்களை சரிசெய்வதன் மூலம் நல்ல குடல் ஆரோக்கியத்தை பராமரிக்கலாம். வீக்கத்தை தூண்டும் உணவை தவிர்க்க வேண்டும்.
மஞ்சள், ஒமேகா 3, கொழுப்பு அமிலங்கள் மற்றும் என்ஏசி போன்ற ஆக்ஸிஜனேற்றிகள் இயற்கையான அழற்சி எதிர்ப்பு மருந்துகள் இதை சரிசெய்யலாம்.
பிந்தைய மாத்திரை பிசிஓஎஸ்
பிசிஓஎஸ் வாய்வழி கருத்தடை மாத்திரைகளை எடுத்துகொள்வதை நிறுத்திய பிறகு உண்டாகிறது. மாத்திரைகளை நிறுத்திய பிறகு செயற்கை புரோஜெஸ்ட்ரான் கருப்பையில் தங்குகிறது. இது பிசிஓஎஸ் உண்டாக்கலாம்.
மாத்திரைகளை தற்காலிகமாக நிறுத்துவதன் மூலம் இதிலிருந்து மீளலாம். இது தற்காலிகமானது. மீளக்கூடியது. நல்ல தூக்கம் மற்றும் குறைந்த மன அழுத்தம் இதற்கு உதவும். மெக்னீசியம், வைட்டமின் ஈ, வைட்டமின் பி6 மற்றும் துத்தநாகம் போன்ற ஊட்டச்சத்துக்கள் பயனளிக்கும். ஆனால் இதை மருத்துவரை அணுகி பெற வேண்டும்.
பாலிசிஸ்டிக் ஓவரி சிண்ட்ரோம் அறிகுறிகள்
பிசிஓஎஸ் அறிகுறிகள் என்பது பரந்த கிளை போன்றது. இது 18, 19 வயதிலிருக்கும் இளம்பெண்களில் தொடங்கி 40. 50 வயது வரை உள்ள பெண்களுக்கு ஹார்மோன் கோளாறால் சில அறிகுறிகளை உண்டாக்கலாம். அப்படியான அறிகுறிகள் என்னென்ன என்பதை ஒவ்வொரு பெண்களும் தெரிந்து கொள்ள வேண்டியது அவசியம்.
மாதவிடாய் ஒழுங்கற்று இருப்பது
மாதவிடாய் சுழற்சி ஒவ்வொரு பெண்ணுக்கும் 28 முதல் 35 நாட்களுக்கு இடைப்பட்ட காலத்தில் வரலாம். இது ஒவ்வொரு மாதமும் ஒரே நாளில் தான் வரும் என்றில்லை. ஒவ்வொரு பெண்ணுக்கும் இது மாறுபடலாம். சிலருக்கு ஒரே மாதத்தில் இரண்டு மாதவிடாய் காலம் வரலாம். சிலருக்கு இரண்டு மாதங்களுக்கு ஒருமுறை வரலாம்.
மாதவிடாய் உதிரபோக்கு மிக லேசாக இருக்கும். சிலருக்கு மாதவிடாய் முதல் நாளில் சிறு புள்ளியாக இருக்கும். அதன் பிறகு உதிரப்போக்கு இருக்காது. சிலருக்கு கனமான உதிரப்போக்கு இருக்கும். உதிரம் கட்டி கட்டியாகவும் வெளியேறலாம். மாதவிடாய் சுழற்சி ஒவ்வொருவருக்கும் ஒவ்வொரு விதமான காலங்களை உண்டாக்கலாம்.
சினைப்பை நீர்க்கட்டிகள்
சினைப்பை நீர்க்கட்டிகள் உலகில் சுமார் 3 முதல் 10% பெண்களுக்கு வரக்கூடியது. இது டெஸ்டொஸ்ட்ரான் அதிகமாக சுரத்தல், கருப்பை விரிவாதல் மற்றும் ஒழுங்கற்ற மாதவிடாய் போன்ற காரணங்களால் இவை உண்டாகிறது. சினைப்பை கட்டிகள் பொதுவாக இருந்தாலும் அறிகுறிகள் ஒரே மாதிரி இருப்பதில்லை. அல்ட்ராசவுண்ட் பரிசோதனை பார்க்கும் போது கருப்பையில் சிறிய நீர்க்கட்டிகள் சூழப்பட்டிருக்கும். பல கட்டிகளாக அல்லது பெரிய கட்டியாக இவை இருக்கலாம்.
மீசை முடி, முகத்தில் தேவையற்ற முடி
பிசிஓஎஸ் ஹார்மோன் ஏற்றத்தாழ்வால் உண்டாகும் நிலை. பெண்களுக்கு ஆண்ட்ரோஜன் என்னும் ஹார்மோன் அதிகமாக சுரக்கலாம். இது ஆண்களுக்கான ஹார்மோன் ஆகும். பெண்களில் மிகக்குறைவாகவே இவை காணப்படுகிறது. பிசிஓஎஸ் கொண்டிருக்கும் பெண்கள் இந்த ஹார்மோனை அதிகமாக கொண்டிருக்கலாம்.
இந்த ஹார்மோனால் ஆண்களை போன்று முடி வளர்ச்சி உதட்டுக்கு மேல் மீசை முடி, கன்னத்தில் முடி, சிலருக்கு மார்பில் முடி இருக்கும். 70% அதிகமான பெண்கள் தங்கள் தொப்பை, மார்பு, முகம் மற்றும் உடலில் முடியை கொண்டிருக்கிறார்கள். இந்த அதிகப்படியான முடி வளர்ச்சி ஹிர்சுடிசம் என்று அழைக்கப்படுகிறது. அதோடு முடி உதிர்வு மிக அதிகமாக இருக்கும். சில பெண்களுக்கு வழுக்கை விழும் அளவுக்கு முடி உதிர்வு இருக்கும்.
முகப்பரு பிரச்சனை
பிசிஓஎஸ் இருக்கும் பெண்கள் ஆண்ட்ரோஜன் ஹார்மோனை அதிகம் கொண்டிருப்பார்கள். இது பெண்ணின் மென்மையான சருமத்தை எண்ணெயாக மாற்றும், முகம், மார்பு போன்ற பகுதிகளில் வெடிப்பை உண்டாக்கும். சில பெண்களுக்கு சருமத்தின் நிறம் கருமையாகலாம். கழுத்து, இடுப்பு, மற்றும் மார்பகத்தின் கீழ் இருக்கும் இடங்களில் உடல் மடிப்புகள் தோலின் இருண்ட புள்ளிகளை உருவாக்கலாம்.
உடல் பருமன்
பிசிஓஎஸ் பெண்களுக்கு உடல் எடை அதிகரிக்க வாய்ப்புண்டு. இந்த பிரச்சனையை கொண்டிருக்கும் பெண்களில் 80% பேர் அதிக எடை அல்லது உடல் பருமன் கொண்டிருப்பார்கள். உடல் பருமன் இருந்தாலே பிசிஓஎஸ் என்று நினைக்க வேண்டாம். ஆனால் உடல் பருமன் பல பிரச்சனைகளை கொண்டு வருவதில் இந்த பிசிஓஎஸ் பிரச்சனையும் ஒன்று.
தலைவலி
பிசிஓஎஸ் பிரச்சனை ஹார்மோன் கோளாறு என்பதால் சிலருக்கு இது தலைவலியையும் உண்டு செய்யும். மன நிலை மாற்றங்கள் ஏற்படும்.
மேற்கண்ட அறிகுறிகள் எல்லாமே பிசிஓஎஸ் உடன் தொடர்பு கொண்டவை. சிலர் இந்த அறிகுறிகள் வந்த உடன் பிசிஓஎஸ் என்று சுயமாக முடிவெடுத்துவிடுகிறார்கள். இன்னும் சிலர் பிசிஓஎஸ் அறிகுறிகளை கவனியாமல் தீவிரமாகும் போது தான் கவனிக்கிறார்கள். அதனால் மாதவிடாய் சுழற்சி தாமதம், கோளாறு எதிர்கொள்ளும் போதே மருத்துவரை அணுகி இது குறித்து ஆலோசனை பெற வேண்டும்.
இதையும் தெரிந்து கொள்ள: கர்ப்பிணிகள் மருத்துவரிடம் மறைக்கவே கூடாத முக்கியமான விஷயங்கள்!
பாலிசிஸ்டிக் ஓவரி சிண்ட்ரோம் காரணங்கள்
பாலிசிஸ்டி ஓவரியன் சிண்ட்ரோம் உருவாக சரியாக காரணம் நிரூபிக்கப்படவில்லை. பிசிஓஎஸ் பிரச்சனை எதிர்கொள்ளும் பெண்களில் பலருக்கும் இன்சுலின் எதிர்ப்பு உள்ளது. அதாவது இன்சுலின் எதிர்ப்பு என்பது உடலில் கணையத்தில் பீட்டா செல்களில் சுரக்கும் இன்சுலினை உடல் செல்கள் பயன்படுத்த முடியாத நிலை.
இதனால் உடலில் இன்சுலின் அளவு அதிகரிக்கிறது. இது ஆண் ஹார்மோன்களான ஆண்ட்ரோஜன் அளவை அதிகரிக்கிறது. உடல் பருமன், இன்சுலின் அளவை அதிகரிக்கவும் பிசிஓஎஸ் அறிகுறிகளை மோசமாக்கவும் செய்கிறது. பிசிஓஎஸ் உண்டாக காரணமாக இருப்பவை என்று சொல்லக்கூடியவை என்னென்ன என்பதை பார்க்கலாம்.
மரபணுக்கள்
இதுவரை ஒரு ஒற்றை மரபணுவும் பிசிஓஎஸ்ஸை ஏற்படுத்தவில்லை. இணைப்பு சிக்கலானதாகவும் பல மரபணுக்களை உள்ளடக்கியதாக இருக்கும்.
பிசிஓஎஸ் உள்ள பெண்களுக்கு அவரது தாய், அத்தை, உறவினர் ஆகியோர் பிசிஓஎஸ் வரலாறு கொண்டிருந்தால் இவர்களுக்கும் பிசிஓஎஸ் 50% உண்டாக காரணமாகிறது. பிசிஒஎஸ் கொண்டிருக்கும் பெண்களின் குடும்பத்தில் நீரிழிவும் பொதுவானது.
குறைந்த தர வீக்கம்
தொற்றுநோயை எதிர்த்துப் போராட வெள்ளை இரத்த அணுக்களின் உற்பத்தியை விவரிக்க இந்த சொல் பயன்படுத்தப்படுகிறது. பிசிஓஎஸ் உள்ள பெண்களுக்கு ஒரு வகை குறைந்த அளவிலான வீக்கம் இருப்பதை ஆராய்ச்சி காட்டுகிறது. இது பாலிசிஸ்டிக் கருப்பைகள் ஆண்ட்ரோஜனெகளை உற்பத்தி செய்ய தூண்டுகிறது. இது இதயம் மற்றும் இரத்த நாள பிரச்சனைகளுக்கு வழிவகுக்கும்.
ஆண்ட்ரோஜன்கள்
ஆண் ஹார்மோன்கள் என்று இது அழைக்கப்படுகின்றன. இது பொதுவாக ஆண்கள் மற்றும் பெண்கள் இருவரிடமும் இருக்கும். என்றாலும் பெண்களில் இது மிக குறைந்த அளவே இருக்கும். கருப்பைகள் மற்றும் அட்ரீனல் சுரப்பிகள் உட்பட உடல் திசுக்களில் சிறிய அளவு ஆண்ட்ரோஜன்கள் உற்பத்தி செய்யப்படுகிறது.
பிசிஓஎஸ் உடன் ஆண்ட்ரோஜன் அதிகமாக கொண்ட பெண்கள் உடலில் தேவையற்ற இடங்களில் முடி , முடி உதிர்தல், முகப்பரு, ஒழுங்கற்ற மாதவிடாய் மற்றும் ஒழுங்கற்ற அண்டவிடுப்பு போன்ற அறிகுறிகளை கொண்டிருப்பார்கள்.
ஹார்மோன் ஏற்றத்தாழ்வு
ஹார்மோன்களில் ஏற்றத்தாழ்வு இருப்பதும் பிசிஒஎஸ் காரணமாக ஆய்வு சொல்கிறது இது குறித்த ஆய்வு முடிவுகள் இன்சுலின் எதிர்ப்புத்திறன் காரணமாக இருக்கலாம் என்கிறது.
ஆண் ஹார்மோனான டெஸ்டோஸ்ட்ரான் பெண்கள் சிறிய அளவில் உற்பத்தி செய்வதாலும் ஏற்றத்தாழ்வு உண்டாகிறது.
லுடினைசிங் ஹார்மோன் அதிகம் இது அண்டவிடுப்பை தூண்டும் பணியை செய்கிறது எனினும் அதிகமாக இருப்பதால் கருப்பையில் அசாதாரணமான விளைவை உண்டாக்கலாம். இதுவும் ஹார்மோன் ஏற்ற்த்தாழ்வை உண்டாக்குகிறது.
செக்ஸ் ஹார்மோன் குறைவு காரணமாகவும் இந்த ஏற்றத்தாழ்வு உண்டாகலாம். இரத்தத்தில் உள்ள புரதம் டெஸ்டோஸ்ட்ரானுடன் பிணைக்கப்பட்டு அதன் விளைவை குறைக்கிறது.
புரோலாக்டின் அளவு அதிகம் . கர்ப்பகாலத்தில் பால் உற்பத்தி செய்ய மார்பகத்தை தூண்டும் இந்த ஹார்மோனும் ஏற்றத்தாழ்வை உண்டாக்குகிறது. இதற்கு காரணம் கண்டறியப்படவில்லை.
இந்த ஹார்மோனை உற்பத்தி செய்யும் பிற சுரப்பிகளில் அதன் உற்பத்தியை கட்டுப்படுத்தும் மூளையின் பகுதியிலும் பிரச்சனை இருக்கலாம் என்று சொல்லப்படுகிறது.
எடை மற்றும் வாழ்க்கை முறை
பிசிஓஎஸ் மெலிந்த மற்றும் அதிக எடை கொண்ட பெண்களில் உண்டாகலாம். பிசிஓஎஸ் பெண்கள் அதிக உடல் எடையை கொண்டிருந்தால் அவர்கள் அதிக ஆபத்தை எதிர்கொள்ளலாம்.
ஆரோக்கியமான எடைக்கு மேல் இருப்பது இன்சுலின் எதிர்ப்பை மோசமாக்குகிறது. இது பிசிஓஎஸ் மற்றும் அதன் அறிகுறிகளின் வளர்ச்சியின் முக்கிய பகுதியாக கருதப்படுகிறது. அதிக எடை பிசிஓஎஸ் அறிகுறிகளுக்கு காரணமான இரண்டு ஹார்மோன்களையும் அதிகரிக்கிறது.
பிசிஓஎஸ் ஏற்படுவதற்கு உறுதியான காரணம் எதுவும் இல்லை. ஆரோக்கியமற்ற வாழ்க்கைமுறையை பின்பற்றுவதாலும், சுற்றுச்சூழல் மூலம் உண்டாகும் மாசு கலந்த காற்றை சுவாசிப்பதாலும், மரபணு காரணமாகவும் இந்த பிரச்சனை அதிகரிக்கிறது. மரபணு மற்றும் சுற்றுச்சூழல் காரணங்களை தடுக்க முடியாது ஆனால் வாழ்க்கை முறை மாற்றங்கள் சிறந்த பலனை அளிக்கும்.
பாலிசிஸ்டிக் ஓவரியன் சிண்ட்ரோம் யாரை பாதிக்கிறது?
15 முதல் 44 வயதுக்குட்பட்ட பெண்களில் 5% முதல் 10% வரை அல்லது நீங்கள் குழந்தைகளை பெறக்கூடிய ஆண்டுகளில் பிசிஓஎஸ் இருக்கலாம். பெரும்பாலான பெண்கள் தங்களுக்கு பிசிஓஎஸ் இருப்பதை 20 மற்றும் 30 வயதிலேயே கண்டறிந்து கர்ப்பமாக இருக்கும் போது மருத்துவரை சந்திக்கிறார்கள். ஆனால் பிசிஓஎஸ் இந்த வயதில் இவர்களை தான் தாக்கும் என்றில்லாமல் எந்த வயதினரையும் உண்டாக்கலாம்.
இதையும் தெரிந்து கொள்ள: விந்தணுக்களை கருமுட்டை தான் தேர்வு செய்கிறதாம்! ஆய்வில் வந்த தகவல்!
பிசிஓஎஸ் அறிகுறியான ஒழுங்கற்ற மாதவிடாய், முடி கொட்டுதல் போன்ற பிரச்சனைகள் இருந்தால் திருமணத்துக்கு முன்னரே மருத்துவரிடம் ஆலோசனை பெற வேண்டும். பரிசோதனைக்கு பிறகு பிசிஓஎஸ் உறுதியானால் உடனே சிகிச்சையை தொடங்க வேண்டும். சிலருக்கு முறையான உடற்பயிற்சி மற்றும் உணவு மூலமே சரியாகிவிடும். சிலருக்கு மேற்கொண்டு சிகிச்சைகள் தேவைப்படலாம்.
ஆரோக்கியமற்ற வாழ்க்கை முறையை கொண்டிருப்பவர்களுக்கும் மோசமான உணவு பழக்கங்களை கொண்டிருப்பவர்களுக்கு பிசிஓஎஸ் பாதிப்பு தாக்குகிறது.
பிசிஓஎஸ் உண்டாக்கும் மற்ற உடல் நல பிரச்சனைகள்
பிசிஓஎஸ் மற்றும் உடல்நல பிரச்சனைகளுக்கு இடையேயான தொடர்புகளை ஆய்வுகள் கண்டறிந்துள்ளன. பிசிஓஎஸ் உள்ள அனைத்து பெண்களுமே இந்த உடல் நல பிரச்சனைகளை கொண்டிருக்க மாட்டார்கள். ஆனால் பிசிஓஎஸ் உள்ள பெண்களுக்கு இந்த நோயின் தீவிரம் அதிகரிக்கலாம். அனுபவம் மிக்க மருத்துவரால் உங்கள் ஆரோக்கியத்தை தொடர்ந்து கண்காணிப்பது முக்கியம். பிசிஓஎஸ் இருக்கும் பெண்களுக்கு மாதவிடாய் முடிந்த பிறகு நிற்கும் காலத்தில் அறிகுறிகள் குறையலாம், இதனை ஃபோலிகுலர் ஆய்வு செய்து கண்டறியலாம்.
பாலிசிஸ்டிக் ஓவரி சிண்ட்ரோம் மையத்தில் சர்வதேச அளவில் மருத்துவர்கள் ஒவ்வொரு ஆண்டும் பிசிஓஎஸ் உள்ள ஆயிரக்கணக்கான பெண்களின் பராமரிப்பை மேற்பார்வையிடுகின்றனர். பிசிஓஎஸ் கொண்டிருக்கும் பெண்களுக்கு உண்டாகும் உடல் நல பிரச்சனைகள்.
நீரிழிவு பிரச்சனை
பிசிஓஎஸ் கொண்டிருக்கும் பெண்களில் 40% பேர் 40 வயதுக்கு முன்னரே நீரிழிவு அல்லது முன் நீரிழிவு குளுக்கோஸ் சகிப்புத்தன்மை பிரச்சனையை கொண்டிருப்பார்கள்.
இன்சுலின் உடலின் குளுக்கோஸை வளர்சிதை மாற்ற அல்லது செயலாக்க செய்கிறது. இந்த இன்சுலின் எதிர்ப்பு அல்லது பலவீனமான குளுக்கோஸ் சகிப்புத்தன்மை பிசிஓஎஸ் உடன் இணைக்கப்பட்டுள்ளது. அதிக அளவு இன்சுலின் டெஸ்டோஸ்ட்ரான் உற்பத்தியை தூண்டுகிறது. இது பிசிஓஎஸ் அதிகரிக்கிறது.
உயர் இரத்த அழுத்தம்
பிசிஓஎஸ் இல்லாத அதே வயதுடைய பெண்களை ஒப்பிடும் போது பிசிஓஎஸ் உள்ள பெண்களுக்கு உயர் இரத்த அழுத்தம் ஏற்படும் அபாயம் அதிகம். உயர் இரத்த அழுத்தம் இதய நோய் மற்றும் பக்கவாதத்துக்கு முக்கிய காரணமாகும்.
ஆரோக்கியமற்ற கொழுப்பு
பிசிஓஸ் உள்ள பெண்களுக்கு சாதகமற்ற கொழுப்புக்கு வழிவகுக்கும். இவர்களது உடலில் இரத்த ஓட்டத்தில் சாதகமற்ற அளவு கொழுப்பு பொருள்கள் இருக்கலாம். சில பெண்களில் இரத்த கொழுப்பு குறைந்த அடர்த்தி கொண்ட நல்ல கொழுப்புப் புரதங்கள் (HDL) மற்றும் அதிக அடர்த்தி கொண்ட கெட்ட கொழுப்பு புரதங்கள் (LDL) அதிக விகிதத்தை காட்டலாம். இந்த ஏற்றத்தாழ்வு இதய நோய்க்கான ஆபத்தை அதிகரிக்கிறது.
இதய நோய் அபாயம்
பிசிஓஎஸ் உள்ள பெண்களுக்கு இதய நோய்கள் மற்றும் பக்கவாதம் ஏற்படும் அபாயத்தை அதிகரிப்பதாக ஆதாரங்கள் தெரிவிக்கின்றன. மேலும் பிசிஓஎஸ் இல்லாத பெண்கள் மற்றும் ஆண்களிடையே உடல் பருமன் இதய ஆபத்தை அதிகரிப்பது போல், பிசிஓஎஸ் உள்ள பெண்களுக்கு அதிக எடை இருக்கும் நிலையில் அவர்களுக்கு இதய நோய் அபாயம் அதிகமாக இருக்கலாம்.
தூக்கத்தில் மூச்சுத்திணறல்
சிகாகோ பல்கலைக்கழகத்தில் நடத்தப்பட்ட ஆய்வுகள் பிசிஓஎஸ் பெண்களுக்கு தூக்கத்தில் மூச்சுத்திணறல் ஏற்படும் அபாயத்தை அதிக அளவில் உறுதி செய்கின்றன. அதிகரித்த உடல் எடை இந்த அபாயத்தில் பங்களிக்கிறது. பிசிஓஎஸ் உள்ள பெண்கள் எடையுடன் கூடுதலாக மற்ற காரணிகளின் விளைவுகளிலும் ஆபத்தை கொண்டிருக்கிறார்கள்.
பிசிஓஎஸ் உள்ள பெண்களுக்கு அதிக டெஸ்டோஸ்ட்ரான் அளவுகள் தூக்கத்தில் மூச்சுத்திணறல் வளர்ச்சியில் பங்கு வகிக்கின்றன.
மன அழுத்தம் மற்றும் பதட்டம்
பிசிஓஎஸ் உள்ள பெண்களுக்கு மனச்சோர்வு மற்றும் கவலை பொதுவானது. எண்டோமெட்ரியல் புற்றுநோய் அண்டவிடுப்பின் சிக்கல்கள், உடல் பருமன் இன்சுலின் எதிர்ப்பு மற்றும் நீரிழிவு போன்றவை பிசிஓஎஸ் உள்ள பெண்களுக்கு பொதுவானவை. எண்டோமெட்ரியத்தின் புற்றுநோய் பிசிஓஎஸ் இந்த பிரச்சனைகளில் சிலவற்றை ஏற்படுத்துகிறதா அல்லது பிசிஓஎஸ் இந்த பிரச்சனைகளை உண்டாக்குகிறதா என்பது குறித்து ஆராய்ச்சிகள் இன்னும் தேவை.
எண்டோமெட்ரியம்
பிசிஒஎஸ் (PCOS in Tamil) பெண்கள் பிற்காலத்தில் எண்டோமெட்ரியம் என்னும் கருப்பை புறணி புற்றுநோயை உண்டாக்கும் அபாயத்தில் இருப்பதாக தெரிவிக்கப்பட்டுள்ளது.
பதின்ம வயது முதல் மாதவிடாய் சுழற்சி, கருவுற்ற முட்டையின் திறனுக்கான உடல் தயார்படுத்திக்கொள்ளுதல், எல்லா பெண்களும் கருப்பையில் உள்ள எண்டோமெட்ரியல் புறணி மாதாந்திர கட்டமைப்பை அனுபவிக்கிறார்கள். கருத்தரிக்காத நேரத்தில் மாதவிடாய் மூலம் புறணி பொதுவாக வெளியேறும்.
பிசிஓஎஸ் (PCOS in Tamil) உள்ள பெண்களும் மாதாந்திர எண்டோமெட்ரியல் உருவாக்குகின்றனர். இருப்பினும் மாதவிடாய் அரிதாக அல்லது இல்லாமல் இருப்பதால் புறணி போதுமான அளவு வெளியேறாது. இதனால் புறணி தொடர்ந்து உருவாகிறது மேலும் எண்டோமெட்ரியல் புற்றுநோயின் அபாயத்தை அதிகரிக்க செய்கிறது.
பாலிசிஸ்டிக் ஒவரி சிண்ட்ரோம் (PCOS in Tamil) கண்டறியும் முறைகள்
பிசிஓஎஸ் (PCOS in Tamil) கண்டறியவும் அறிகுறிகள் மற்றும் பிற காரணங்களை நிராகரிக்கவும் மருத்துவர், மருத்துவ வரலாறு குறித்து உங்களிடம் ஆலோசிக்கலாம். மேலும் இதை உறுதி செய்ய உடல் பரிசோதனை மற்றும் பல்வேறு சோதனைகள் செய்யலாம்.
உடல் பரிசோதனை
இரத்த அழுத்தம், உடல் நிறை குறியீட்டெண் (பிஎம்ஐ) மற்றும் இடுப்பின் அளவை அளவிடுவார். முகம் மார்பு, முகப்பரு அல்லது தோல் நிறமாற்றம் ஆகியவற்றுக்காக சருமத்தை பரிசோதிப்பார்கள்.
மருத்துவர் முடி உதிர்தல் அல்லது பிற சுகாதார நிலைகளின் அறிகுறிகளை தைராய்டு சுரப்பி போன்றவற்றை கவனிக்க செய்யலாம். ஹார்மோன்களின் அறிகுறிகளுக்கு ஒரு இடுப்பு பரிசோதனை செய்யலாம்.
கருப்பை பெரிதாக்கபட்டதா அல்லது வீங்கியிருக்கிறதா என்று பரிசோதிக்க அல்ட்ராசவுண்ட் (சோனோகிராம்) பரிசோதனை செய்யப்படும். இந்த சோதனை ஒலி அலைகளை பயன்படுத்தி உங்கள் கருப்பை, கருப்பையில் நீர்க்கட்டிகள் பரிசோதிக்கப்படும்.
எண்டோமெட்ரியம் (கருப்பை அல்லது கருப்பை புறணி) சரிபார்க்கப்படும்.
இரத்தப்பரிசோதனைகள் மூலம் உடலில் ஆண்ட்ரோஜன் ஹார்மோன் அளவை சரிபார்க்க செய்யலாம். தைராய்டு பரிசோதனை செய்யப்பட்டு பிசிஓஎஸ் கண்டறியப்படும்.
மருத்துவர் கொழுப்பு அளவை பரிசோதிக்க செய்யலாம். நீரிழிவு நோய் பரிசோதனை செய்யலாம்.
இதையெல்லாம் தாண்டி உங்களது அறிகுறிகள் (மேற்குறிப்பிட்ட) ஐந்துக்கும் மேற்பட்டு இருந்தால் பிசிஓஎஸ் உறுதி செய்யப்படும்.
பாலிசிஸ்டிக் ஒவரி சிண்ட்ரோம் (PCOS in Tamil) கருவுறுதலில் உண்டாக்கும் பிரச்சனைகள் மற்றும் சிகிச்சை முறைகள்
ஒரு பெண் பிசிஓஎஸ் கொண்டிருந்தால் அவர்களது இனப்பெருக்க அமைப்பிலும் ஹார்மோன் குறுக்கீடுகள் இருக்கலாம். பி.சி.ஓ.எஸ் பிரச்சனை இருந்தால் கருத்தரிப்பதில் சிக்கல் உண்டாகுமா என்பது அனைவர்க்கும் வரக்கூடிய சந்தேகம். உங்களிடம் பிசிஓஎஸ் இருக்கும் போது உங்கள் கருப்பைகள் இயல்பை விட பெரியதாக இருக்கும். இந்த பெரிய கருப்பைகள் முதிர்ச்சியடையாத முட்டைகளை கொண்ட பல சிறிய நீர்க்கட்டிகளை கொண்டிருக்கலாம்.
ஹார்மோன் வேறுபாடுகள்
பிசிஓஎஸ் (PCOS in Tamil) ஒரு பெண்ணின் உடலில் இயல்பை விட அதிக அளவு ஆண்ட்ரோஜன்களை உற்பத்தி செய்கிறது. இது பொதுவாக ஆண் ஹார்மோன்களாக கருதப்படும் இவை ஆண்களுக்கு இருக்கும் ஆண்ட்ரோஜன்கள் உள்ளன. ஆண் பாலின உறுப்புகள் மற்றும் பிற ஆண் பண்புகளின் வளர்ச்சியில் ஆண்ட்ரோஜன்கள் முக்கியமானவை.
பெண்களில் ஆண்ட்ரோஜன்கள் பொதுவாக ஈஸ்ட்ரோஜன் ஹார்மோனாக மாற்றப்படும்.
இதையும் தெரிந்து கொள்ள: கரு தங்க என்ன செய்ய வேண்டும்? என்ன செய்ய கூடாது?
அண்டவிடுப்பின் சிக்கல்கள்
அதிக அளவு ஆண்ட்ரோஜன்கள் முட்டைகளின் வளர்ச்சி மற்றும் முட்டைகளின் வ்ழக்கமான வெளியீட்டில் தலையிடுகின்றன. இந்த செயல்முறை அண்டவிடுப்பின் என்று அழைக்கப்படுகிறது.
ஆரோக்கியமான முட்டை வெளியிடப்படாவிட்டால் அது விந்தணுக்களுடன் இணைந்து கருத்தரிக்க முடியாது. நீங்கள் கர்ப்பமாக இருக்க முடியாது. பிசிஓஎஸ் உங்கள் மாதவிடாயை தவறவிடலாம் அல்லது ஒழுங்கற்ற மாதவிடாய் ஏற்படலாம். பிசிஓஎஸ் போன்ற பிரச்சனைகளால் இவை ஏற்படலாம். சொல்லப்போனால் இது தான் உங்களுக்கு பிசிஓஎஸ் இருப்பதற்கான அறிகுறியே.
மாதவிடாய் காலத்தை ஒழுங்குப்படுத்துதல்
பிசிஓஎஸ் இருக்கும் பெண்களுக்கு ஆரோக்கியமான கர்ப்பத்தை பெற சில சிகிச்சைகள் உள்ளன.
ஈஸ்ட்ரோஜன் மற்றும் புரோஜெஸ்ட்ரோன் ஹார்மோன்களின் பிறப்பு கட்டுப்பாட்டு மாத்திரைகளை உங்கள் மருத்துவர் பரிந்துரைக்கலாம். இந்த மாத்திரைகள் ஆண்ட்ரோஜன் உற்பத்தியை குறைப்பதன் மூலம் மாதவிடாய் சுழற்சியை கட்டுப்படுத்த உதவும்.
கூட்டு பிறப்பு கட்டுப்பாட்டு மாத்திரை உங்களுக்கு சிரமமானதாக இருந்தால் உங்கள் மருத்துவர் புரோஜெஸ்டின் மாத்திரையை பரிந்துரைக்கலாம்.
இந்த மாத்திரையை ஒரு மாதத்துக்கு சுமார் 2 வாரங்கள், 1- 2 மாதங்கள் எடுத்துகொள்ளுங்கள். உங்கள் மாதவிடாயை கட்டுப்படுத்த உதவும் வகையில் வடிவமைக்கப்பட்டுள்ளது.
அண்டவிடுப்பின் உதவும் மருந்துகள்
அண்டவிடுப்பின் உதவும் மருந்துகள் பிசிஓஎஸ் -க்கான பிறப்பு கட்டுப்பாட்டு மாத்திரைகளை எடுத்துகொள்ளும் போது கர்ப்பமாக முடியாது. ஆனால் கர்ப்பமாக இருக்க அண்டவிடுப்பின் உதவி தேவைப்பட்டால் சில மருந்துகள் உதவக்கூடும்.
க்ளோபீன்ன் (க்ளோமிட்,செரோஃபென்) என்பது உங்கள் சுழற்சியின் தொடக்கத்தில் நீங்கள் ஆன்டி- ஈஸ்ட்ரோஜன் எதிர்க்கும் மருந்து பரிந்துரைக்கலாம். க்ளோமிபீன் அண்டவிடுப்பிற்கு உதவாது என்றால் நீரிழிவு மருந்து மெட்ஃபார்மின் பரிந்துரைக்கபடலாம்.
க்ளோமிபீன் மற்றும் மெட்ஃபோர்மின் வேலை செய்யவில்லை என்றால், உங்கள் மருத்துவர் ஒரு நுண்ணறை- தூண்டுதல் ஹார்மோன் (FSH) மற்றும் ஒரு லுடினைசிங் ஹார்மோன் (LH) கொண்ட மருந்துகளை பரிந்துரைக்கலாம்.
அண்டவிடுப்புக்கு உதவும் மற்றொரு மருந்து லெட்ரோசோல் (ஃபெமாரா) மற்ற மருந்துகள் பயனற்றதாக இருக்கும் போது சில நேரங்களில் பயன்படுத்தப்படுகிறது.
பிசிஓஎஸ் இருக்கும் பெண்கள் கர்ப்பமாக இருக்க விரும்பினால் மகப்பேறு மருத்துவரிடம் முன்கூட்டிய ஆலோசனை செய்ய வேண்டும். இந்த வகை மருத்துவர் கருவுறுதல் நிபுணர் என்றும் அழைக்கப்படுகிறார்கள்.
அதனால் சரியான அளவு மருந்துகளை பெறுவதை உறுதி செய்வதோடு வழக்கமான பரிசோதனைகள் மற்றும் அல்ட்ராசவுண்ட் செய்யுங்கள்.
Follow @ Google News : கூகுள் செய்திகள் பக்கத்தில் ஜம்மி ஸ்கேன்ஸ் வலைப்பதிவுகள்!
பாலிசிஸ்டிக் ஒவரி சிண்ட்ரோம் (PCOS in Tamil) அறிகுறி குறைய வாழ்க்கை முறை
சில பெண்களுக்கு எடை அதிகரிப்பது அவர்களின் ஹார்மோன்களை பாதிக்கும். இதையொட்டி உடல் பருமன் அல்லது அதிக எடை இருந்தால் உடல் எடை குறைப்பது. ஹார்மோன்களை இயல்பு நிலைக்கு திரும்புவது அவசியம். உடல் எடையில் 10% இழப்பது உங்கள் மாதவிடாய் சுழற்சியை மேலும் கணிக்க உதவும். இது கர்ப்பம் தரிக்க உதவும்.
சிறந்த உணவு, வழக்கமான உடற்பயிற்சி, புகைப்பிடித்தல், குறைந்த மன அழுத்தம் மற்றும் நீரிழவு மற்றும் பிற மருத்துவ நிலைகளுடன் ஆரோக்கியமான வாழ்க்கை முறையை வாழ்வது உங்கள் கருவுறுதல் முரண்பாடுகளை மேம்படுத்த வேண்டும்.
மாதவிடாய் இல்லாத போது பிசிஓஎஸ் இருப்பது கண்டறியப்பட்டால் மருத்துவரிடம் தொடர் சிகிச்சையில் இருப்பது பலன் அளிக்கும்.
பிசிஓஎஸ் (PCOS in Tamil) பிரச்சனை கொண்டிருக்கும் பெண்களின் எண்ணிக்கை அதிகரித்து வருகிறது. பருவ வயதில் இந்த பிரச்சனையை எதிர்கொள்ளும் போது அது அவர்களது கருத்தரிப்பிலும் பாதிப்பை உண்டாக்கலாம். அதனால் மாதவிடாய் சுழற்சியில் உண்டாகும் மாற்றங்களை அலட்சியம் செய்யாமல் மருத்துவரை அணுகி ஆலோசனை பெறுவதன் மூலம் பாதிப்பு தீவிரமாகாமல் தடுக்கலாம். இது குறித்து உங்களது சந்தேகங்கள், சிகிச்சை முறைகளுக்கு எங்களை எப்போதும் தொடர்பு கொள்ளலாம்.
பி.சி.ஓ.எஸ் (PCOS in Tamil) பிரச்சனை பற்றி உங்கள் கேள்விகள்
பி.சி.ஓ.எஸ் பிரச்சனைகள் என்ன?
பிசிஓஎஸ் பிரச்சனை இருந்தால் ஒழுங்கற்ற மாதவிடாய், கருவுறாமை, அதிகப்படியான முடி வளர்ச்சி, முகப்பரு, மற்றும் எடை அதிகரிப்பு ஆகியவற்றை ஏற்படுத்தும்.
பி.சி.ஓ.எஸ் ஒரு வாழ்நாள் பிரச்சனையா?
பி.சி.ஓ.எஸ் என்பது வாழ்நாள் முழுவதும் ஏற்படும் பிரச்சனை அல்ல. நீங்கள் உண்ணும் உணவு, உடற்பயிற்சி மூலம் பிசிஓஎஸ்-ஐ எளிதாக சரிசெய்யலாம்.
பி.சி.ஓ.எஸ் உயிருக்கு ஆபத்தானதா?
பி.சி.ஓ.எஸ் உயிருக்கு ஆபத்தானது அல்ல, ஆனால் இன்சுலின் எதிர்ப்பு போன்ற உடலில் ஏற்படும் விளைவு நீரிழிவு நோய், பக்கவாதம் மற்றும் இருதய நோய்களின் ஆரம்பகால ஆபத்தை அதிகரிக்க வழிவகுக்கும்.
பி.சி.ஓ.எஸ் இன் குடும்ப வரலாறு இருந்தால் நீங்கள் என்ன செய்ய வேண்டும்?
குடும்ப வரலாற்றை முன்கூட்டியே கண்டறிந்து, அதை முழுமையாக ஏற்றுக்கொண்டு, ஆரோக்கியமான வாழ்க்கை முறையை வாழ்வதற்கு முயற்சி செய்வது சிறந்தது.
பி.சி.ஓ.எஸ் இருந்தால் பரிந்துரைக்கப்படும் உணவுமுறை என்ன?
பி.சி.ஓ.எஸ் நோயால் பாதிக்கப்பட்டிருந்தால், வைட்டமின்கள், தாதுக்கள் மற்றும் புரதம் நிறைந்த கிளைசெமிக் இண்டெக்ஸ், கலோரிகள் மற்றும் கொழுப்பு குறைந்த உணவைப் பின்பற்றுவது பரிந்துரைக்கப்படுகிறது. நீங்கள் எப்போதும் உங்கள் BMR (அடித்தள வளர்சிதை மாற்ற விகிதம்) சரிபார்த்து நல்லது.
பி.சி.ஓ.எஸ் பிரச்சனைக்கு சிகிச்சைகள் என்ன?
பி.சி.ஓ.எஸ் பிரச்சனைகளுக்கு பல்வேறு சிகிச்சைகள் உள்ளன. இது ஒவ்வொரு பெண்ணுக்கும் அறிகுறிகள், உடல்நலப் பிரச்சினைகள் மற்றும் அவள் கர்ப்பமாக இருப்பதற்கான தேவை ஆகியவற்றின் அடிப்படையில் சிகிச்சைகள் செய்யப்படும்.