கர்ப்ப காலத்தில் பயணம் செய்யும் போது எப்போதும் அதிக கவனம் தேவை என்று மருத்துவர்கள் கூறுவார்கள். கர்ப்பகாலத்தின் மூன்று ட்ரைமெஸ்டர் காலங்களுமே பயணக்காலத்தில் கவனமாக இருக்க வேண்டிய காலம் தான்.
கர்ப்பிணிகள் நீண்ட தூரம் பயணம் செய்யும் போது செய்ய வேண்டிய விஷயங்கள் என்ன, எதில் பயணம் செய்வது நல்லது, இருசக்கர வாகனம் (Bike Ride While Pregnant in Tamil), கார் அல்லது ரயில் பயணங்களா, விமானத்தில் பயணம் செய்யலமா இப்படியான பல கேள்விகள் கர்ப்பிணிகளுக்கும் அவரை சுற்றியுள்ளவர்களுக்கு எழுவதுண்டு.
தற்போது பெண்களும் வேலைக்கு செல்கிறார்கள். கர்ப்ப காலத்திலும் எல்லா வேலைகளையும் செய்கிறார்கள். வேலைக்கு செல்லும்போது பெரும்பாலும் இருசக்கர வாகனத்தில் பயணம் செய்கிறார்கள்.
இது நல்லதா, கர்ப்பிணிகள் இருசக்கர வாகனத்தில் செல்லும் போது எப்படி உட்காரலாம் என்பதை விளக்கவே இந்த பதிவு.
கர்ப்பிணிகள் டூவீலர் ஓட்டலாமா? (Bike Ride While Pregnant in Tamil)
கர்ப்ப காலத்தில் இரு சக்கர வாகனம் ஓட்டுவதை (Bike Ride While Pregnant in Tamil) மருத்துவர்கள் பரிந்துரைப்பதில்லை. எனினும் அது உங்களுக்கு அவசியமாக இருந்தால் நீங்கள் மருத்துவரை அணுகி உங்களுக்கு அது பாதுகாப்பானதா என்பதை உறுதி செய்ய மருத்துவரிடம் பேசுங்கள்.
கர்ப்பகாலத்தில் முதல் ட்ரைமெஸ்டரான முதல் மூன்று மாதங்கள் நீங்கள் வண்டி ஓட்டலாம்.
ஆனால் அடுத்தடுத்த மாதங்களில் குழந்தையின் வளர்ச்சி இருக்கும் என்பதால் உங்களின் உடல்நிலையை பொறுத்து அதை நிறுத்தும்படி மருத்துவர் அறிவுறுத்தலாம். அல்லது சரியான முறையில் வண்டி ஓட்ட குறிப்புகள் பரிந்துரைக்கலாம்.
பொதுவாக கர்ப்பகாலத்தின் தொடக்கத்தில் குமட்டல், சோர்வு மற்றும் தலைச்சுற்றல் போன்றவை இருக்கும். இவை அதிகமாக இருக்கும் நிலையில் வண்டி ஓட்டுவது என்பது சாலையில் கவனம் செலுத்த முடியாததாக இருக்கலாம்.
ஏற்கனவே கர்ப்பகால சோர்வு இருக்கும் போது குமட்டல் உணர்வு இருக்கும் போது நீங்கள் டூவீலர் பயணம் செய்தால் அதிக சோர்வடைவதை மீண்டும் பார்க்கலாம்.
அதே நேரம் கர்ப்ப அறிகுறிகள் அதிகம் இல்லாதவர்கள் டூவீலர் பயணம் செய்யலாம் (Bike Ride While Pregnant in Tamil). அறிகுறி அதிகம் இல்லை என்பவர்களும், நீண்ட தூர பயணம் அல்ல என்னும் நிலையில் டூவீலர் பயணிக்கலாம்.
ஓட்டலாம். ஆனால் குழந்தை வளர வளர உங்கள் உடல் தோரணை சமநிலையை அடைய பைக் சவாரி சிலருக்கு கடினமாக இருக்கும்.
வயிறு பெரிதாகும் போது குழந்தை வளரும் போது இரு சக்கர வாகனத்தில் பயணம் செய்வது ஆபத்தானது. அதிலும் இரண்டு கால்களையும் ஒரு பக்கமாக உட்கார்ந்தால் அது கீழே விழுவதற்கான வாய்ப்பை உண்டு செய்யும் ஆபத்தாக இருக்கும்.
அதனாலேயே கர்ப்பிணிகள் டூவீலர் பயணத்தை தவிர்க்க மருத்துவர்கள் சொல்வதுண்டு. ஆனால் டூவீலர் பயணம் வேலைக்கு செல்ல பாதுகாப்பானது.
மற்ற வாகனங்களை காட்டிலும் இதில் அலுங்காமல் சென்று விடலாம் அதற்கு எப்படி டூவீலரில் செல்வது என்பவர்களுக்கு நமது மருத்துவர் சொல்லும் இந்த குறிப்புகள் உதவும்.
கர்ப்பிணிகள் தாங்களே வண்டி ஓட்டுவதாக இருந்தாலும் சரி அல்லது மற்றவர்கள் ஒட்ட இவர்கள் உட்கார்ந்து செல்வதாக இருந்தாலும் சரி இந்த குழப்பம் இருக்கும். எப்படி வண்டியில் உட்காருவது. இரண்டு கால்களையும் ஒரே பக்கமாக போட்டு உட்காருவதா, அல்லது ஒரு பக்கம் ஒரு கால் என்று இரண்டு பக்கமாக ஒவ்வொரு காலை போட்டு உட்காருவதா. எது நல்லது என்பது எல்லாருக்கும் இருக்க வேண்டிய கேள்விதான். இதனால் வயிற்றில் இருக்கும் குழந்தைக்கு ஏதேனும் பாதிப்பு உண்டாகுமா இப்படியான கேள்விகளுடன் கர்ப்பிணிகள் மருத்துவரை சந்திப்பது உண்டு.
ஆனால் டூவீலரில் எப்படி உட்கார்கிறோம் என்பதை காட்டிலும் எதில் நீங்கள் செளகரியமாக உணர்கிறீர்கள் என்பது முக்கியமானது. நீங்கள் இரண்டு பக்கம் கால் போட்டு உட்கார்ந்தாலும், ஒரே பக்கமாக உட்கார்ந்தாலும் உங்களுக்கு எது செளகரியமாக இருக்கிறது என்பதை கவனியுங்கள்.
ஒரு வேளை டூவீலர் பயணத்தால் முதுகுவலியை உணர்ந்தால் அதிக நேர பயணம் வேண்டாம். கர்ப்ப காலத்தில் முதுகுவலி இருக்கும் என்றால் இந்த டூவீலர் பயணத்தை அதிகரிக்க வேண்டாம். உங்களுக்கு வலி இல்லாத வசதியான பயணமாக இருந்தால் அது பாதுகாப்பானது.
உங்களுக்கு எது வசதியாக உள்ளதோ அதை பொறுத்து நீங்கள் உட்காரலாம். ஆனால் சாலைகள் குண்டும் குழியுமாக இருந்தால், மேடு பள்ளமாக இருந்தால், ஆங்காங்கே தண்ணீர் தேங்கியிருந்தால் நீங்கள் கவனமாக இருக்க வேண்டும். உங்களுக்கு வலி இல்லாமல் பார்த்துகொள்ள வேண்டும்.
அதற்கேற்ப மெதுவாக ஓட்ட வேண்டும். ஏனெனில் நீங்கள் எப்படி உட்கார்ந்தாலும் வயிற்றில் இருக்கும் குழந்தையின் நிலை ஒன்றே தான் என்பதால் குழந்தையின் இருப்பிடம் மாறப்போவதில்லை. அதனால் உங்களுக்கு வலியில்லாமல் இருக்கும் பொசிஷனில் உட்காரலாம்.
Follow @ Google News : கூகுள் செய்திகள் பக்கத்தில் ஜம்மி ஸ்கேன்ஸ் வலைப்பதிவுகள்!
கர்ப்பிணிகலே வண்டி ஓட்டுவதாக இருந்தாலும் மேடு பள்ளங்களில் மிக மெதுவாக வண்டி ஓட்டுவது பாதுகாப்பானதாக இருக்கும். இயன்றவரை நீண்ட தூர பயணங்களை தவிர்க்க வேண்டும். வண்டியை கவனமாக ஓட்டுங்கள். மருத்துவரை சந்திக்கும் போது வண்டி ஒட்டுவது பற்றியும் விவாதியுங்கள்.
